| Sf. Gutt

Steven er einn sá allra besti!

Sparkspekingurinn reyndi, Mark Lawrenson, lék með mörgum af bestu leikmönnum í sögu Liverpool. Af félögum hans má nefna Kenny Dalglish, Graeme Souness, Alan Hansen, Ian Rush og marga fleiri.

Mark segir að Steven Gerrard, sem lék sinn 500. leik með Liverpoool um helgina, sé að komast í flokk með þeim allra bestu og er þá mikið sagt!

"Ég tel að Kenny Dalglish sé líklega besti leikmaðurinn sem hefur nokkurn tíma spilað með Liverpool. Hann var svona knattspyrnusnillingur sem einungis kemur fram einu sinni á æfi manns. Ég get ekki hrósað Steven Gerrard meira en með því að segja að hann sé mjög nærri því að vera álíka góður og Kenny. Ég tel að Steven Gerrard jafnist á við bestu miðjumennina sem ég hef séð og ég tek fram að ég spilaði með Graeme Souness."

"Steven spilar sinn 500. leik núna um helgina. Í lang flestum þeirra hefur hann borið höfuð og herðar yfir félaga sína í Liverpool. Það er mikið afrek hjá honum að ná þessum áfanga og hann er alveg frábær í alla staði."

TIL BAKA
Nýlegar fréttir
Fleiri fréttir
Fréttageymslan