Forsíða

Frétt

14.10.2009 23:10 | Sf. Gutt

Rafael Benítez aðvaraður

Enska knattspyrnusambandið ákærði Rafael Benítez fyrir hegðun sína eftir leik Liverpool við Tottenham í fyrstu umferð deildarinnar í ágúst. Forráðamenn Liverpool voru mjög óánægðir með dómgæslu Phil Dowd í leiknum en þeir töldu að Liverpool hefði átt að fá tvær frekar en eina vítaspyrnu undir loks leiksins. Vítaspyrna hefði getað fært Liverpool jafntefli en leikurinn tapasðist 2:1.
 
Eftir leikinn spurðu fréttamenn Rafael út í dómgæsluna í leiknum. Hann svaraði engu en tók svo upp gleraugu sín og gaf þannig í skyn að hann hefði ekki verið ánægður með dómarann. Eftir að hafa skoðað málið varð niðurstaðan sú að Rafael fékk aðvörun fyrir hegðun sína en hann slapp við leikbann eða sekt.

Sammy Lee, aðstoðarframkvæmdastjóri Liverpool, fékk líka á sig ákæru eftir fyrrnefndan leik en hann slapp með aðvörun eins og Rafael. 
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • EJS
  • Ölgerðin