Forsíða

Frétt

13.10.2009 15:10 | HI

Steven snýr aftur á Melwood

Fabio Capello landsliðsþjálfari Englands staðfesti í dag það sem við var búist að Steven Gerrard myndi ekki leika með enska landsliðinu gegn Hvítrússum á morgun. Ástæðan er nárameiðslin sem urðu til þess að Gerrard gat ekki klárað leikinn gegn Úkraínu á laugardag.

"Hann náði ekki að klára æfingu því að það var jafn mikill sársauki í náranum og í gær. Hann er á leið aftur til Liverpool," sagði Capello.

Þetta verður að teljast gleðiefni fyrir Liverpool þar sem Gerrard getur nú náð sér góðum á Melwood með aðstoð læknaliðsins þar. Allar líkur eru taldar á að hann verði búinn að ná sér fyrir leikinn gegn Sunderland á laugardaginn.

Til baka

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin