| SSteinn
TIL BAKA
Fánadagur á Akureyri á sunnudaginn
Nú er komið að Fánadegi á Akureyri, en Liverpoolklúbburinn hefur undanfarið haldið 2 slíka á ári. Þessir dagar hafa alltaf verið vel sóttir og verið sérlega skemmtilegir í alla staði. Að þessu sinni verður fánadagurinn næstkomandi sunnudag þegar Liverpool fer á Brúnna og mætir þar Chelsea í hörkuleik!.
Að venju veitir klúbburinn verðlaun fyrir best klædda eldri, og yngri stuðningsmanninn, ásamt því að standa fyrir ýmsum öðrum uppákomum. Vakin er sérstök athygli á því, að í haust var gerður samningur við nýjan heimavöll okkar á Akureyri. Að sjálfsögðu verður fánadagurinn haldinn þar, með pompi og prakt. Staðurinn sem um ræðir er Vegi-terian í Geislagötu (beint á móti Stjörnusól). Við vonumst til að sjá sem flesta á sunnudaginn og bendum mönnum á að mæta tímanlega, því búast má við fullu húsi, og rúmlega það. Húsið opnar 2 tímum fyrir leik, eða klukkan 12:00.
Stjórnarmenn klúbbsins verða á svæðinu til skrafs og ráðagerða og svara fyrirspurnum um starfsemina. Toppmenn & Sport munu að vanda sjá um að útvega heppnum Poolurum góð verðlaun og er rétt að geta þess að meðlimir í klúbbnum fá 10% afslátt á vörum hjá þeim, gegn framvísun skírteinis.
Við hvetjum alla Akureyringa og norðanmenn sem tök hafa á, að mæta á svæðið og búa til alvöru stemmningu. Leikurinn sjálfur hefst klukkan 14:00 og nú er um að gera að finna alla fána, treyjur, húfur og trefla sem til eru og skarta sínu fegursta.
Nýlegar fréttir
-
| HI
Aftur niður á við -
| Sf. Gutt
Diogo Jota meiddur -
| Mummi
Aðalfundur Liverpoolklúbbsins 28. maí 2024 -
| Sf. Gutt
Nýr talinn líklegur eftirmaður Jürgen Klopp! -
| Sf. Gutt
Mark númer 100! -
| Sf. Gutt
Markmiðið er að vinna alla leikina! -
| Sf. Gutt
Í rétta átt! -
| Sf. Gutt
Við erum vonsviknir! -
| HI
Úr leik í Evrópudeildinni -
| Sf. Gutt
Conor Bradley meiddur
Fréttageymslan