Forsíða

Frétt

24.09.2009 12:09 | Sf. Gutt

Jamie létt í Leeds

Liverpool mátti hafa verulega fyrir sigri sínum á Leeds United í Deildarbikarnum á þriðjudagskvöldið. Jamie Carragher, sem var fyrirliði í leiknum, var létt í leikslok og segir að liðið sitt hafi sloppið vel með sigur.

"Leeds stóð sig mjög vel. Þeir voru meira að segja svolítið óheppnir að tapa í kvöld og ég er ánægður með að við skyldum ná að herja fram sigur. Við vorum auðvitað ekki með okkar sterkasta lið, sem við notum í Úrvalsdeildinni, og þetta varð okkur erfiður leikur."
 
Leeds hefur verið á miklu flugi það sem af er leiktíðar og leikmenn liðsins börðust eins og ljón hvattir áfram af stuðningsmönnum sínum. Jamie segir að sumir í liðinu hafi verið varaðir við! 

"Útlendingarnir í liðinu eru ekki vanir svona bikarkeppni úr sínu heimalandi. Þess vegna segir maður þeim að svona leikir verði erfiðir. Það kom á daginn að þetta reyndist einn erfiðasti leikur okkar á keppnistímabilinu."

Liverpool hefur ekki unnið titil frá árinu 2006 og Jamie segir að tími sé kominn til að koma því ástandi í lag. 

"Auðvitað viljum við vinna þessa keppni. Það eru nokkur ár frá því við unnum síðast titil og ég myndi svo gjarnan vilja spila með Liverpool á Wembley. Það gefast tvö tækifæri til að komast þangað á hverju ári og annar möguleikinn er í þessari keppni."
 
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin