Forsíða

Frétt

22.09.2009 17:09 | Sf. Gutt

Rafa vill komast til Wembley

Liverpool komst síðast í úrslitaleik Deildarbikarnum árið 2005 en þá tapaði liðið 3:2 fyrir Chelsea. Rafael vill bæta fyrir það tap á þessari leiktíð. Fyrsti liðurinn í því myndi vera að leggja Leeds United að velli í kvöld.

"Við viljum vinna og komast svo í úrslitaleikinn. Á fyrsta keppnistímabilinu mínu hérna komumst við í úrslitaleikinn í Carling bikarnum. Við vorum með forystu þegar tíu mínútur voru til leiksloka en þá fengum við sjálfsmark á okkur. Ég var mjög vonsvikinn því það var svo stutt til leiksloka. Það var erfitt að sætta sig við að tapa þeim leik."
 
"Ég myndi vilja komast aftur í úrslit í þessari keppni og bæta fyrir tapið um árið. Við viljum vinna titla og það er möguleiki á því í þessari keppni. Við munum reyna að gera okkar besta í Carling bikarnum."

Liverpool á erfitt verkefni fyrir höndum á Elland Road í kvöld. Leeds United hefur unnið alla leiki sína nema einn á leiktíðinni og sá leikur sem út af stendur endaði með jafntefli. Á heimavelli hefur liðið unnið 15 síðustu deildarleiki sína. Liðið leiðir þriðju deildina sem reyndar kallast 1. deild þessi árin.  
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin