Forsíða

Frétt

06.09.2009 05:09 | Sf. Gutt

Sammy Lee slapp með aðvörun

Sammy Lee, aðstoðarframkvæmdastjóri Liverpool, slapp með aðvörun frá Enska knattspyrnusambandinu eftir að sambandið ákærði hann fyrir mótmæli í leik Liverpool og Tottenham. Sammy var rekinn upp í stúku í fyrrnefnum leik þegar honum fannst að Liverpool hefði átt að fá vítaspyrnu og tvær frekar en eina undir lok leiksins.

Enska knattspyrnusambandið gaf Sammy formlega aðvörun og bað hann um að vanda hegðun sína í framtíðinni. Tekið var til þess þegar málið var tekið fyrir að Sammy hefur jafnan sýnt fyrirmyndarhegðun í gegnum árin.

Nú á bara eftir að sjá hvort Rafael Benítez fær refsingu en hann var líka ákærður eftir leikinn. Hann sýndi þá með látbragði að honum fannst dómari leiksins þurfa á gleraugum að halda til að sjá betur. Miðað við að Liverpool fékk enga vítaspyrnuna mætti kannski ætla það. Við sjáum hvað setur. 
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • EJS
  • Ölgerðin