Daniel Agger frá í tvo mánuði

Daniel Agger fer á þriðjudaginn í aðgerð til Frakklands til að fá sig góðan af bakmeiðslunum sem hafa verið að hrjá hann. Aðgerðin þýðir að Agger verður frá æfingum og keppni í allt að tvo mánuði. Sjálfur stefnir hann að því að vera búinn að ná sér þegar danska landsliðið leikur gegn Svíum og Ungverjum í undankeppni HM.

Enn aukast því meiðslavandræðin í vörninni þar sem Martin Skrtel gat ekki leikið gegn Stoke vegna meiðsla. Það er þó bót í máli að Grikkinn Sotirios Kyrgiakos er á leið til liðsins, sem ætti að auka breiddina.

Agger hefur verið óheppinn með meiðsl síðan hann kom til Liverpool, og sú óheppni ætlar greinilega að elta hann eitthvað áfram.