| Grétar Magnússon

Kominn tími til að vera miskunnarlausir

Rafa Benítez segir að leikmenn sínir verði að vera miskunnarlausir fyrir framan mark andstæðinganna ef þeir ætli sér að skora mark gegn Stoke City í kvöld.  Ekki tókst að koma boltanum í net Stoke manna á síðasta tímabili.

Benítez vill að leikmenn sínir bregðist við tapinu gegn Tottenham á sunnudaginn með viðeigandi hætti.

,,Þetta var aðeins fyrsti leikurinn á tímabilinu og það eru margir leikir eftir," sagði Benítez.  ,,Við verðum að vera rólegir og vinna okkar vinnu."

,,Við vitum að leikurinn við Stoke verður erfiður, en við þurfum að skapa okkur færi og nýta þau.  Svona leikir geta breyst með einu marktækifæri ef manni tekst að skora.  Við vitum að við þurfum að spila betur og nú erum við á heimavelli þannig að stuðningsmenn okkar vita að þeir geta bætt okkar leik með því að hvetja okkur áfram."

,,Við viljum skapa okkur færi líkt og við gerðum á síðasta tímabili gegn Stoke og nú ætlum við að nýta þau.  Að fá 20 marktækifæri í einum leik ætti að duga til að skora."
TIL BAKA
Nýlegar fréttir
Fleiri fréttir
Fréttageymslan