Forsíða

Frétt

10.08.2009 09:08 | Heimir Eyvindarson

Liverpool með tilboð í Ryan Shawcross?

Samkvæmt enska dagblaðinu Daily Mail er Rafa Benítez að undirbúa tilboð í miðvörðinn Ryan Shawcross hjá Stoke.



Benítez leitar nú logandi ljósi að miðverði, þar sem Jamie Carragher, Daniel Agger og Martin Skrtel eru allir meiddir og tímabilið að bresta á.

Benítez er sagður hafa boðið 6 milljónir í Phil Brown hjá Hull, en þar sem Hull vill helmingi hærri upphæð fyrir kappann mun ekkert verða af þeim kaupum. Ryan þessi Shawcross mun þá vera næstur á óskalista Benítez.

Ryan Shawcross er einungis 21 árs gamall og þykir mikið efni. Hann kom til Stoke frá Manchester United fyrir hálfu öðru ári og hefur skorað 3 mörk í 28 leikjum fyrir liðið.

Af okkar eigin miðvörðum er það að frétta að Carragher fer í læknisskoðun í dag og meiðsli Aggers eru ekki talin ýkja alvarleg. Benítez segir að það séu 80% líkur á að tveir af þessum þremur verði með gegn Tottenham á sunnudaginn. Við sjáum hvað setur.
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin