Forsíða

Frétt

30.07.2009 08:07 | Grétar Magnússon

Alonso biður formlega um að vera seldur

Xabi Alonso hefur farið formlega fram á það að vera seldur frá Liverpool eftir að hann afhenti Rafa Benítez skriflega beiðni þess efnis.  Það er því að verða nokkuð ljóst að dagar Spánverjans hjá Liverpool eru taldir.

Sagan endalausa um Alonso virðist nú vera á enda og lítið annað að gera fyrir félagið en að semja við Real Madrid um söluverð miðjumannsins.

Alonso var einn af fyrstu leikmönnunum sem Rafa Benítez keypti til félagsins ásamt Luis Garcia, kaupverðið var 10.5 milljónir punda í ágúst 2004.  Hann spilaði sinn fyrsta leik fyrir félagið gegn Bolton 29. ágúst í 1-0 tapleik.  Tveim mánuðum síðar spilaði hann frábærlega gegn Fulham á Craven Cottage þar sem Liverpool sneri 2-0 stöðu í 4-2 sigur.

Í júní í fyrra skrifaði Alonso undir nýjan 5 ára samning við félagið þrátt fyrir að umræða væri um það að Benítez vildi selja hann.
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin