Forsíða

Frétt

29.07.2009 09:07 | Grétar Magnússon

Arbeloa til Real Madrid

Liverpool og Real Madrid hafa náð samkomulagi um kaup síðarnefnda liðsins á Alvaro Arbeloa. Hann er öllum hnútum kunnugur hjá Real Madrid því hann hóf feril sinn þar.  

Talsmaður Liverpool sagði:  ,,Við höfum náð samkomulagi við Real Madrid um söluna á leikmanninum. Nú á hann bara eftir að gangast undir læknisskoðun."

Talið er að kaupverðið á Arbeloa sé 3.5 milljónir punda (eða 4 milljónir evra). Mun hann skrifa undir fjögurra ára samning við Real Madrid með möguleika á framlengingu um eitt ár.

Liverpool keypti Alvaro frá Deportivo La Coruna og borgaði þá 2,6 milljónir punda fyrir hann. Má því segja að Liverpool hafi grætt á því að hafa Spánverjann í sínum röðum.

Alvaro Arbeloa kom til Liverpool í janúar árið 2007. Hann spilaði alls 98 leiki fyrir félagið og skoraði í þeim tvö mörk.
Til baka

Fréttir

Samstarfsaðilar

  • Ölgerðin
  • Jói Útherji knattspyrnuverslun
  • Players Sport Cafe
  • VITA
  • Orkan
  • EJS hýsir vefinn okkar