Forsíða

Frétt

10.07.2009 08:07 | Grétar Magnússon

Jermaine Pennant til Zaragoza

Jermaine Pennant hefur gengið til liðs við spænska liðið Real Zaragoza.  Pennant varð samningslaus í sumar og var það löngu ljóst að hann myndi ekki semja að nýju við Liverpool.

Hann var lánaður til Portsmouth í janúar og spilaði nokkra leiki með suðurstrandarliðinu.  Þeir höfðu hinsvegar ekki áhuga á því að bjóða honum samning.

Pennant stóðst læknisskoðun í gærkvöldi og mun hann reyna að hjálpa liðinu að halda sæti sínu í spænsku Úrvalsdeildinni en liðið kom upp úr næst efstu deild í vor.

Pennant sagði þetta eftir vistaskiptin:  ,,Ég vildi fara til Spánar og ég var með tilboð frá nokkrum öðrum félögum í Evrópu en ég ákvað að ganga til liðs við Real Zaragoza.  Ég hlakka til að byrja og gera vel í deildinni."
 
Jermaine Pennant lék 81 leik með Liverpool og skoraði þrjú mörk. Hann varð Skjaldarhafi með Liverpool 2006 þegar Liverpool vann Chelsea 2:1 í Cardiff. 
Til baka

Fréttir

Samstarfsaðilar

  • Ölgerðin
  • Jói Útherji knattspyrnuverslun
  • Players Sport Cafe
  • VITA
  • Orkan
  • EJS hýsir vefinn okkar