Af Álfukeppninni

Seinni undanúrsalitaleikur Álfukeppninnar fór fram í kvöld. Ameríkuþjóð mætir Ameríkuþjóð í úrslitunum því Brasilímenn unnu Suður Afríku 1:0 og mæta Bandaríkjamönnum í úrslitaleiknum á sunnudaginn. Brasilíumenn fá því tækifæri til að verja Álfutitil sinn. 

Leikurinn var tilþrifalítill. Heimamenn gáfu Brasilíumönnum ekkert eftir og fá færi sköpuðust. Allt stefndi í markalust jafntefli þegar Daniel Alves, sem var nýkominn inn á sem varamaður, skoraði eina mark leiksins beint úr aukaspyrnu. Þá voru aðeins tvær mínútur eftir af leiknum. Má segja að Brasilíumenn hafi sloppið vel með að ná sigri.