Forsíða

Frétt

28.05.2009 09:05 | Grétar Magnússon

Brottför Sami gæti verið tækifæri fyrir yngri leikmenn

Martin KellyRafa Benítez segir að brottför Sami Hyppia frá félaginu gæti þýtt fleiri tækifæri fyrir unga og efnilega varnarmenn.  Þar eru helst þeir Martin Kelly og Mikel San Jose nefndir til sögunnar.

Benítez neitar því hinsvegar ekki að hann muni kaupa varnarmann í sumar, en hann segist ætla að hafa nokkra unga varnarmenn í hópnum á undirbúningstímabilinu.

,,Við munum skoða ungu leikmennina á undirbúningstímabilinu og við getum unnið í mismunandi aðstæðum," sagði Benítez í viðtali við opinbera heimasíðu félagsins.  ,,Við munum skoða þá alla og ákveða svo hvað verður.  Þetta eru allt ungir leikmenn með frábæra framtíð hér."

,,Við sjáum hvað gerist - þetta undir þeim komið og líka undir því hvort við finnum einhvern leikmann sem er góður fyrir okkur á réttu verði"

Martin Kelly spilaði allan leikinn í gærkvöldi þegar Englendingar unnu Bosníu-Hersegóvínu í undankeppni Evrópumóts U-19 ára landsliða.  Kelly þótti standa sig vel í leiknum.  Hann fékk tækifæri með aðalliðinu á tímabilinu í Meistaradeildinni gegn PSV í Hollandi og svo var hann lánaður til Huddersfield þar sem hann stóð sig mjög vel.
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin