Kenny segir leiktíðina hafa verið mjög góða

Kenny Dalglish, fyrrum framkvæmdastjóri Liverpool, segir leikmenn Liverpool hafa átt mjög góða leiktíð og þeir geti verið stoltir af framgöngu sinni.

"Liðið veitti United miklu harðari keppni en síðustu þrjú, fjögur árin. Leikmenn liðsins geta verið virkilega stoltir af framgöngu sinni á þessu keppnistímabili. Bjartsýni hefur vaxið mikið á árinu og núna hlakka allir til keppnistímabilsins 2009/10. Það hefði verið mjög jákvætt ef liðinu hefði tekist að vinna Úrvalsdeildina en mér finnst að það sé miklu meiri ró og stöðugleiki hjá félaginu núna. Rafa er búinn að skrifa undir nýjan samning og það sama má segja um þá Steven Gerrard, Dirk Kuyt, Daniel Agger og marga af yngri leikmönnum félagsins."