Búið að dagsetja Unglingabikarúrslitin

Liverpool og Arsenal mætast í tveggja leikja rimmu um Unglingabikarinn núna seinna í mánuðinum. Búið er að dagsetja leikina. Fyrri leikurinn verður leikinn á Emirates leikvanginum og fer hann fram föstudaginn 22. maí. Liðin mætast svo í seinni leiknum á Anfield Road þriðjudaginn 26. maí. Samanlögð markatala úr tveimur leikjum ræður úrslitum.

Liverpool hefur unnið þessa keppni þrívegis, 1996, 2006 og 2007, leikur nú til úrslita í keppninni í þriðja sinn á fjórum árum.