Forsíða

Frétt

03.02.2009 14:02 | Ólafur Haukur Tómasson

Enn meiðist Degen

Svissneski bakvörðurinn Philipp Degen hefur ekki átt sjö dagana sæla síðan hann gekk til liðs við Liverpool á frjálsri sölu frá Borussia Dortmund í sumar. Hann byrjaði á því að fara í aðgerð rétt fyrir byrjun tímabilsins, síðan þá hefur hann átt í reglulegum meiðslum og leikið tvo leiki með aðalliðinu síðan tímabilið hófst og meiðst í þeim báðum.

Hann tók þátt í varaliðsleik Manchester United og Liverpool, sem fram fór fyrir skömmu en þar varð hann fyrir meiðslum og mun ekki leika næstu fjórar til fimm vikurnar. Röntgenmyndir hafa sýnt að ekkert er brotið en hann muni þó vera frá í mánuð í það minnsta.

Degen hefur ekki enn leikið deildarleik fyrir Liverpool en hann hefur einungis tekið þátt í bikarleikjunum gegn Tottenham og Crewe, og eins og segir þá meiddist hann í þeim báðum. Segja má að ferill Degen hjá Liverpool hafi verið vonbrigði en vonandi mun hann hrista þessi meiðsli af sér og ná að sýna sitt rétta andlit hjá Liverpool.

Núna fyrr í dag var einnig birt að Liverpool hafi skipt út Degen úr leikmannahópi sínum sem mun taka þátt í útsláttarkeppni Meistaradeildarinnar en í hans stað kemur Sami Hyypia.
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin