Mark spáir í spilin

Þá hefst baráttan um Englandsmeistaratitilinn á nýjan leik rftir bikarrimmuna gegn Everton. Liverpool hefur ekki unnið deildarleik á árinu og ekki dugar annað en að breyta því. Jafnteflin hafa verið dýrkeypt og Liverpool verður að vinna þennan leik til að komast aftur í gang. Manchester United leiðir nú deildina og lið á borð við Chelsea, Aston Villa og Arsenal eru skammt undan. Á síðustu leiktíð voru það í raun jafnteflin sem gerðu út um meistaravonir Liverpool því stutt var í meistaraliðið þegar upp var staðið. Nú stefnir í það sama ef jafnteflin halda áfram. Það er því alger nauðsyn að Liverpool næli í þrjú stig gegn Wigan.

Fróðleiksmolar...

- Liverpool er í öðru sæti deildarinnar.

- Liðið hefur jafn mörg stig og Manchester United en ensku meistararnir hafa betra markahlutfall.

- Þeir Jose Reina, Jamie Carragher og Dirk Kuyt hafa leikið alla deildarleiki Liverpool á leiktíðinni. Þeir eru einu leikmenn Liverpool sem hafa gert það.

- Liverpool hefur gert jafntefli í síðustu þremur leikjum.

- Liverpool hefur unnið fimm og gert sex jafntefli í síðustu ellefu deildarleikjum.

- Liverpool hefur ekki unnið deildarleik á þessu ári.

- Einn fyrrum leikmaður Liverpool er í herbúðum Wigan. Það er markvörðurinn Chris Kirkland.

- Síðasti deildarleikur liðanna á JJB leikvanginum. 29. september 2007. Wigan Athletic : Liverpool. 0:1. Mark Liverpool: Yossi Benayoun (75. mín.) 

Spá Mark Lawrenson

Wigan Atheltic v Liverpool

Þetta verður erfiður leikur fyrir Liverpool en það gæti verið gott að mæta Wigan núna því Wilson Palacios og Emile Heskey hafa yfirgefið JJB leikvanginn. Heimamenn hafa verið í mjög góðu formi þó þeir hafi tapað tveimur síðustu leikjum gegn Manchester liðunum. Ég held að þeir Rauðu muni vinna þennan leik og komist aftur í gang í titilbaráttunni.

Úrskurður: Wigan Atletic v Liverpool 0:2.