Mark spáir í spilin

Þá er nýtt ár gengið í garð og því fylgir að 3. umferð F.A. bikarkeppninnar stendur fyrir dyrum. Liverpool hefur þá keppni og það er erfitt verkefni framundan. Liverpool mætir Preston North End á útivelli. Preston er fornfrægt félag og leikur nú í næst efstu deild þar sem liðið er meðal efstu liða.

Liverpoool vann F.A. bikarkeppnina árið 2006 en á síðustu tveimur leiktíðum hefur Liverpool ekki komist langt og allir muna eftir hrakförunum gegn Barnsley á síðustu leiktíð. Það hefur einhvern vegin verið þannig síðustu árin að Liverpool hefur annað hvort komst langt í F.A. bikarkeppninni eða þá stutt. Við vonum að nú verði lagt upp í langferð. Liverpool hefur jú aldrei leikið á hinum nýja Wembley en þar er endastöð fyrir þau tvö lið sem komast lengst. 

Fróðleiksmolar...

- Liverpool hefur unnið F.A. bikarkeppnina sjö sinnum.

- Liverpool hefur unnið keppnina 1965, 1974, 1986, 1989, 1992, 2001 og 2006.

- Preston hefur unnið F.A. bikarkeppnina í tvígang. Fyrst 1889 og svo 1938.

- Bill Shankly, fyrrum framkvæmdastjóri Liverpool, var í sigurliði Preston í F.A. bikarnum árið 1938.

- Bill er í hávegum hafður hjá Preston ekki síður en hjá Liverpool og til marks um það þá heitir ein stúkan á Deepdale, heimavelli Preston, í höfuðið á Bill Shankly.

- Liverpool hefur fallið út úr F.A. bikarkeppninni fyrir liðum úr neðri deild tvisvar á síðustu fjórum árum.

- Það er kannski góðs viti fyrir Liverpool að mæta Preston því Portsmouth sló þá Hvítu út úr keppninni á síðustu leiktíð og vann svo keppnina!

- Þetta er í þriðja sinn sem Liverpool og Preston mætast í F.A. bikarnum. Hvort lið hefur unnið eina viðureign. 

- Einn fyrrum leikmaður Liverpool er á mála hjá Preston. Það er Neil Mellor.  

Spá Mark Lawrenson

Preston North End v Liverpool

Preston þarf á peningum að halda og þar á bæ munu menn verða í skýjunum ef þeir næðu að fá aukaleik, sem gæfi vel af sér, við Liverpool á Anfield. Liverpool mun samt komast áfram. Ég er handviss um að Steven Gerrard mun spila á Deepdale þrátt fyrir það sem hann lenti í nú nýverið. Ég hugsa að Liverpool muni vilja drífa hann í næsta leik og hann vill örugglega líka taka þátt í þessum leik.

Úrskurður: Preston North End v Liverpool 1:1.

Fyrri rimmur í F.A. bikarnum.

10. febrúar 1894, 2. umferð. Liverpool 3:2 Preston North End.

17. febrúar 1962, 5. umferð. Liverpool 0-0 Preston North End.

20. febrúar 1962, 5. umferð, aukaleikur. Preston North End 0-0 Liverpool.

26. febrúar 1962. 5. umferð, annar aukaleikur. Leikið á Old Trafford. Liverpool 0-1 Preston North End.