Riera lofar fleiri mörkum

Spænski kantmaðurinn Albert Riera hefur sýnt mikil gæði síðan hann kom til liðs við félagið í sumar en þrátt fyrir að eiga góða leiki og valda miklum usla meðal varnarmanna andstæðingana þá hefur hann aðeins skorað eitt mark fyrir Liverpool og það var í sigurleik á Wigan. Hann fullyrðir að ekki muni líða að löngu þar til hann verði reglulega á stigatöflunni.

"Það er enn snemmt á ferli mínum hér en markmið mitt er að skora fleiri mörk. Ég hef skorað eitt enn sem komið er en það er ekki nógu gott. Við erum stórt lið og við erum fullfærir um að skipta markaskorun á milli okkar og ég sem kantmaður, þá er ætlast til þess að ég taki þátt í því.

Ég hef trú á að ég geti skorað fleiri en við spilum stundum með tvo framherja eða með Stevie rétt fyrir aftan framherjana. Þetta eru leikmennirnir sem skora mikið og oft vegna þess að við spilum upp á þá, til að þeir verði virkir þá búum við til tækifæri fyrir sóknarmennina." sagði Albert.

Albert hefur spilað vel fyrir Liverpool á tímabilinu og virðist hafa leyst kantmanns vandan sem virðist hafa hrjáð liðið í nokkrun tíma.