| Sf. Gutt

Mark spáir í spilin

Eftir skell og brottfall úr Deildarbikarnum nú í vikunni geta leikmenn Liverpool einbeitt sér að öðrum verkefnum. Líklega myndu einhverjir segja mikilvægari verkefnum en allar keppnir hafa sína þýðingu. Liverpool á nú til dæmis möguleika á einum titli færra en fyrir heimsóknina á White Hart Lane og það út af fyrir sig er slæmt. En vissulega er Englandsmeistaratitillinn sá mikilvægasti sem hægt er að vinna á þessari leiktíð og þrjú stig í þessum leik væru sannarlega vel þegin.   

Fróðleiksmolar...

- Liverpool er í öðru sæti deildarinnar með jafnmörg stig og Chelsea. 

- Liverpool tapaði fyrir Tottenham Hotspur í Deildarbikarnum nú í vikunni. Þetta var annað tap Liverpool á White Hart Lane í þessum mánuði.

- Alvaro Arbeloa mun ekki taka þátt í þessum leik vegna leikbanns. 

- Bolton hefur unnið síðustu tvo leiki sína.

- Liverpool hefur unnið síðustu þrjá deildarleiki sína gegn Bolton.

- Þeir Jose Reina og Petr Cech, markvöður Chelsea, hafa haldið marki sínu hreinu oftast markmanna í Úrvalsdeildinni. Þeir hafa afrekað það í sjö leikjum á þessari leiktíð.

- Síðasti leikur liðanna á Reebok leikvanginum. 2. mars 2008. Bolton Wanderers : Liverpool. 1:3. Mark Bolton: Amir Cohen (79. mín.). Mörk Liverpool Jussi Jaaskelainen, sm, (12. mín.), Ryan Babel (60. mín.) og Fabio Aurelio (75. mín.).

 

Spá Mark Lawrenson

Bolton Wanderes v Liverpool

Ég spái því að Liverpool muni vinna þennan leik en það verður ekki auðveldur sigur og ég held að þetta verði erfiðasti leikur Liverpool upp á síðkastið. Ég byggi þetta álit mitt á því að eftir að Bolton hafði ekki náð að skora í fimm eða sex leikjum þá hefur liðið nú náð að vinna nokkra leiki nýlega og haldið hreinu. Liðið er miklu sterkara á heimavelli en úti. Það er nú aldrei gott að spila svona um hádegið en ég held að Liverpool merji sigur.

Úrskurður: Bolton Wanderes v Liverpool 0:1.

 

 

 

TIL BAKA
Nýlegar fréttir
Fleiri fréttir
Fréttageymslan