| Sf. Gutt

Mark spáir í spilin

Þetta er bara eins og á árum áður. Verðbólgan æðir upp, verðlag er að fara úr böndunum og Liverpool trónir á topppi ensku deildarinnar! Sigur Liverpool á Stamford Bridge á sunnudaginn var magnaður og færði Rauða hernum þriggja stiga forystu í deildinni. En nú er að halda áfram þaðan sem frá var horfið á sunnudaginn. Það má ekki slaka neitt á því mörg lið eru skammt undan og er jafn mikilvægt að vinna þennan leik og leikinn á sunnudaginn. 

Fróðleiksmolar frá BBC

- Liverpool er í efsta sæti deildarinnar. 

- Liverpool vann Chelsea á Stamford Bridge á sunnudaginn og batt enda á 86 leikja hrinu þeirra Bláu án taps.

- Sigurmark Xabi Alonso í leiknum var fyrsta mark hans fyrir Liverpool á leiktíðinni. Hann hafði á hinn bóginn skorað tvö landsliðsmörk í sama landsleiknum í haust!

- Þetta var 15. mark Xabi fyrir Liverpool.

- Sami Hyypia lék sinn 450. leik með Liverpool þegar hann kom inn á sem varamaður undir lok leiksins.

- Liverpool hefur aðeins skorað eitt deildarmark á heimavelli í fyrri hálfleik á leiktíðinni.

- Portsmouth leikur í fyrsta sinn undir stjórn Tony Adams.

- Þrír fyrrum leikmenn Liverpool eru hjá Portsmouth. Þetta eru þeir Javid James, Djimi Traore og Peter Crouch.

- Liverpool er eina liðið í efstu deild sem ekki hefur tapað leik á leiktíðinni.

- Leikur liðanna á Anfield Road á síðustu leiktíð. 22. desember 2007. Liverpool : Portsmouth. 4:1. Mörk Liverpool: Yossi Benayoun (13. mín.), Sylvain Distin, sm. (16. mín.), Fernando Torres (67. og 85. mín.)

Spá Mark Lawrenson

Liverpool v Portsmouth

Liverpool fær þarna tækifæri til að byggja á útisigrinum á Chelsea. Liðið hefur byrjað leiktíðina mjög vel. Liðinu er lítið breytt milli leikja og sóknarleikurinn er djarfari. Kaupin á Albert Riera virðast hafa vera vel heppnuð og það lítur út fyrir að hann sé góður leikmaður. Svo er góð keppni um stöður í liðinu og það er alltaf gott. Portsmouth er auðvitað svolítið slegið út af laginu vegna brottfarar Harry Redknapp en það eru góðir leikmenn í liðinu.

Úrskurður: Liverpool v Portsmouth 2:0.

 

TIL BAKA
Nýlegar fréttir
Fleiri fréttir
Fréttageymslan