Fánadagur í Reykjanesbæ í kvöld

Fánadagur verður í Reykjanesbæ í kvöld, nánar tiltekið á Langbest að Víkingabraut 77 við Vallarheiði, á gamla varnarliðssvæðinu. Púllarar á Suðurnesjum eru hvattir til að mæta og skapa sannkallaða Liverpoolstemningu. Fánadagurinn verður haldinn í tengslum við leikinn gegn Marseille í Meistaradeildinni, og hefst leikurinn kl. 18:45. Við hvetjum fólk til að mæta tímanlega.

Á fánadögum er alltaf lagt sérstaklega mikið í að kynda upp góða stemningu, eins og Púllurum einum er lagið. Búast má við að mikil spenna verði í loftinu í dag, enda baráttan í meistaradeildinni að hefjast og Liverpool lendir í riðli með franska liðinu annað árið í röð.

Eins og venjulega á fánadögunum verður mikið um dýrðir. Meðal annars verður getraun þar sem veglegur vinningur er í boði auk þess sem þeir best klæddu af yngri og eldri kynslóð fá verðlaun. Þá verður pizzuhlaðborð á vægu verði.

Á fánadeginum verður einnig tekið við skráningum í Liverpoolklúbbinn.