Fánadagur í Reykjanesbæ

Púllarar á Suðurnesjum eru hvattir til að mæta á Langbest að Víkingabraut 77 við Vallarheiði, á gamla varnarliðssvæðinu, á þriðjudagskvöld. Liverpoolklúbburinn veðrur með fánadag í tengslum við leikinn gegn Marseille. Þar verður mikil spenna í loftinu, enda baráttan í meistaradeildinni að hefjast og Liverpool lendir í riðli með franska liðinu annað árið í röð.

Eins og venjulega á fánadögunum verður mikið um dýrðir. Meðal annars verður getraun þar sem veglegur vinningur er í boði auk þess sem þeir best klæddu af yngri og eldri kynslóð fá verðlaun. Þá verður pizzuhlaðborð á vægu verði.

Við hvetjum því Púllara á Suðurnesjum, sama á hvaða aldri þeir eru, til að fjölmenna á Langbest í Vallarheiði og upplifa sannkallaða Púllarastemningu.

Á fánadeginum verður einnig tekið við skráningum í Liverpoolklúbbinn.