Sigur hjá varaliðinu

Varalið Liverpool vann á sunnudaginn sigur í æfingaleik. Leikið var gegn utandeildarliðinu Southport. Liverpool vann 3:1 sigur. Adam Hammill kom Liverpool yfir með fallegu bogaskoti rétt utan vítateigs. Jordy Brouwer jók svo forystuna með skoti af stuttu færi. Adam skoraði svo annað mark sitt. Markið var stórglæsilegt. Adam fékk boltann við miðju og lék inn í vítateig framhjá nokkrum varnarmönnum áður en hann renndi boltanum í markið! Heimamenn minnkuðu muninn úr vítaspyrnu.

Adam Hammill, sem er hér á mynd, átti stórleik með Liverpool. Bæði mörkin sem hann skoraði voru glæsileg og það seinna var alveg ótrúlegt. Það er spurning hvað verður um Adam á þessari leiktíð. Hann var í láni hjá Southampton á síðustu leiktíð en náði sér ekki vel á strik. Hann var leiktíðina áður hjá skoska liðinu Dunfermline og þar þótti hann standa sig mjög vel. Ekki er ólíklegt að hann fari í lán á þessari leiktíð og munu nokkur félög hafa sýnt því áhuga að fá hann til liðs við sig.