Álit Phil Thompson

Liverpool.is naut góðs af heimsókn Phil Thompson, til Íslands ádögunum, og fréttaritari síðunnar fékk leyfi til að birta álit hans á ýmsum málum sem tengjast Liverpool Football Club. Phil er búinn að vera stuðningsmaður Liverpool allt sitt líf og hann hefur því sterkar skoðanir á öllu því sem tengist félaginu sínu. Í dag birtum við álit Phil Thompson á stöðu Peter Crouch hjá Liverpool.

"Ég held að Peter Crouch fari frá Liverpool í sumar. Ég hef álit á honum. Hann er hæfileikaríkur og hann skorar mörk. Það hefur þó komið í ljós á þessari leiktíð að Rafael Benítez virðist ekki treysta honum fullkomlega. Ég held því að hann verði seldur frá Liverpool í sumar."