| Sf. Gutt

Enn og aftur!

Enn og aftur ganga leikmenn Liverpool og Chelsea á hólm. Leikurinn í kvöld verður sextándi leikur þessara liða á síðustu fjórum leiktíðum! Liðin hafa, í þessum rimmum, leikið saman í öllum keppnum á Englandi auk leikja í Meistaradeildinni. Liverpool hefur slegið Chelsea út úr F.A bikarnum, tvívegis í Meistaradeildinni auk þess að leggja liðið að velli í leik um Samfélagsskjöldinn. Chelsea leitar því hefnda í kvöld. En Liverpool fær líka tækifæri til hefnda því Chelsea vann úrslitaleik liðanna um Deildarbikarinn 2005. Chelsea vann þá 3:2 sigur á Árþúsundaleikvanginum í Cardiff. Sigur Liverpool myndi vera góð hefnd fyrir það sára tap!

Liverpool á þó erfitt verkefni fyrir höndum því liðið hefur sjaldan unnið á Stamford Brigde í seinni tíð. Reyndar hefur Liverpool aðeins unnið einu sinni á Brúnni frá leiktíðinni 1989/1990. Sigur í kvöld yrði því sannarlega vel þeginn.

Hér er svo gott yfirlit yfir viðureignir liðanna í gegnum tíðina.

TIL BAKA
Nýlegar fréttir
Fleiri fréttir
Fréttageymslan