Fernando Torres er byrjaður að æfa að nýju og er möguleiki á því að hann geti leikið gegn Besiktas á morgun. Hann meiddist sem kunnugt er gegn Arsenal fyrir rúmri viku. Hér til hliðar er einmitt mynd af Torres á æfingu í gær fyrir leikinn gegn Besiktas.
"Torres er næstum orðinn heill," sagði Benítez í dag en lét ekkert frekar uppi um hvort hann kæmi eitthvað við sögu á morgun.
Benítez sagði að Daniel Agger væri á góðu róli og væri farinn að hlaupa. Xabi Alonso verður hins vegar líklega frá í fjórar vikur vegna meiðslanna sem hann varð fyrir gegn Arsenal.