Liverpoolklúbburinn á Íslandi var stofnaður 26. mars 1994 á Ölveri. Meðlimir voru 30 talsins í upphafi en nú eru um 2100 virkir félagar í klúbbnum.
Við gefum út 4 fréttabréf yfir tímabilið á Englandi, hvert blað 40-48 bls. í A-4 broti og allt í lit. Blaðið samanstendur af einkaviðtölum sem og þýddum viðtölum við leikmenn, ferðasögum, sagnfræði og naflaskoðun á gengi liðsins hverju sinni.
Hér er efni úr ýmsum áttum. Til dæmis frábær veggfóður (e. wallpapers) frá Sigga Reynis
)
Milan Baros
Baros skoraði tvö glæsileg mörk gegn Bolton og var duglegur að leggja upp fyrir samherja sína. Allsherjarframmistaða hans var aðdáunarverð sérstaklega þar sem hann var einn í framlínu Liverpool. Owen, sem sat á bekknum er búinn að fá skilaboðin frá þessum stórefnilega strák. ´Svona á að klára færin sín, strákur.´
Helsti styrkur Baros er geysilegur hraði og baráttuandi. Hann virðist mjög einbeittur og hefði með smáheppni skorað þrennu gegn Bolton. Hann átti eitt skot í stöng í fyrri hálfleik. Framtíðin er hans hjá Liverpool og nú eiga aðrir framherjar í liðinu erfitt verk fyrir höndum að bola honum úr liðinu.